Худалдан авалтын захиалга

Системлүү өөрийн нэвтрэх нэр, нууц үгийг бичиж нэвтрэн орно. Үүний дараа үндсэн цэснүүдээс худалдан авалт гэсэн цэсийг сонгож орно. Сонгож орсоны дараа таны дэлгэц дараах зурагтай ижил харагдана.

Худалдан авалт цэслүү нэвтрэн орсоны дараа дээрхи зурган дээр байгаа Худалдан авах захиалгууд цэсийг сонгон орно. Үүсгэх товчийг дарж шинэ худалдан авалтын захиалга үүсгэнэ. Өөрийн компаниудаас бараа татах, импортын худалдан авалт хийх үед уг цэсийг ашиглана.

 

Худалдан авах захиалга нь дараах товч, төлөвүүдийг агуулна. 

Товч:

     - Үнийн хүсэлтийг эмэйлээр илгээх: Ноорог шивсэн захиалга буюу үнийн саналыг сонгосон харилцагч болон удирдлагуудаад илгээж болно. 

     - Үнийн хүсэлт хэвлэх: Ноорог шивсэн захиалга буюу үнийн саналыг хэвлэж авна.

     - Захиалга батлах: Уг худалдан авалтын захиалгыг зөвшөөрөн барааг агуулахад авах бол захиалгыг батлана.

     - Захиалга хуваах: Энэ талаар тусад нь хамгийн доор бичсэн байгаа.

     - Урьдчилгаа нэхэмжлэл үүсгэх: Уг худалдан авалтын барааг хүлээн аваагүй ч нэхэмжлэл үүсгэх шаардлагатай болвол уг товчийг ашиглана.

     - Цуцлах: Уг худалдан авалт нь буруу бичигдсэн буюу дахин энэ захиалгыг ашиглахгүй гэж үзвэл цуцлана.

Төлөв:

     - Үнийн санал: Ноорог төлөвтэй байгаа захиалга нь юунд ч нөлөөлөхгүй ба уг захиалгыг бүрэн засварлах боломжтой.

     - RFQ илгээх: Үнийн хүсэлтийг эмэйлээр илгээсэн тохиолдолд уг төлөвт шилжинэ.

     - Худалдан авах захиалга: Худалдан авалтын захиалгыг батлавал уг төлөвт шилжинэ. Ийм төлөвт байгаа захиалгын агуулахын баримт үүссэн, агуулахын баримт нь                                                    дууссан бол нэхэмжлэл нь үүссэн байна. 

 

Талбарууд:
     - Шинэ: Худалдан авалтын захиалгыг батлах үед систем автоматаар PO***** дугаар оноож өгнө.

     - Нийлүүлэгч: Бараа нийлүүлж буй харилцагчийг сонгож өгнө. Захиалга үүсгэхээс өмнө уг харилцагчийг системд бүртгэж өгсөн байх шаардлагатай.

     - Нийлүүлэгчийн дугаар: Сонгосон харилцагчийн мэдээлэл дээр дугаар оноож өгсөн бол харилцагч сонгох үед даган сонгогдоно. Эсвэл хэрэглэгч өөрөө дугаар                                                           оноож өгч болно.

     - Захиалгын огноо: Худалдан авалт үүсгэж огноог автоматаар оноож өгнө.

     - Компани: Тухайн хэрэглэгч дээр тохируулсан компанийг систем автоматаар сонгоно.

     - Хүргэх: Бараа хүлээн авч орлого авах агуулахыг сонгож өгнө. Хэрэв тухайн хэрэглэгч олон агуулахын эрхтэй бол аль агуулах дээр орлого авахаа сонгож өгч болно. 

     - Валют: Уг худалдан авалтын захиалгын үнэ бодогдож валютыг сонгож өгнө.

Бараанууд > Зүйл нэмэх товч-ийг дарж татан авалт хийж буй бараануудыг нэмнэ.

     - Бараа: Татан авалт хийж буй барааг сонгож өгнө. Сонгох гэж буй барааг эхлээд системд бүртгэж өгсөн байх шаардлагатай.

     - Тодорхойлолт: Барааг сонгоход автоматаар тухайн барааны дэлгэрэнгүй мэдээлэл бөглөгдөнө. Хэрэглэгч солих шаардлагагүй.

     - Товлогдсон огноо: Барааг сонгоход автоматаар бөглөгдөнө. Хэрэглэгч солих шаардлагагүй.

     - Шинжилгээний данс: Аналитик бүртгэл ашиглах үед хэрэглэнэ.

     - Шинжилгээний пайзууд: Аналитик бүртгэл ашиглах үед хэрэглэнэ.

     - Тоо хэмжээ: Татан авалт хийж тоо ширхэгийг оруулж өгнө. Систем автоматаар 1 гэсэн утга оноож өгнө.

     - Сери дугаар: Татан авалт хийж буй бараанд оноож өгөх сери дугаарыг сонгоно.

     - Дуусах хугацааны муж: Сонгосон сери дугаарт дуусах хугацааны муж сонгох бол уг талбарт гарч ирсэн утгуудаас аль нэгийг нь сонгож өгнө. 

     - Хүлээн авсан тоо хэмжээ: Уг худалдан авалтыг батлахад агуулахын орлого авах баримт үүсдэг. Үүссэн агуулахын баримтыг дуусгахдаа аль барааг хэдийг орлого                                                     авахыг шийддэг. Агуулахын баримтыг дуусгахдаа орлого авсан тоо ширхэг уг талбарт харагдана. Агуулахын баримтыг яаж орлого авах                                                     талаар агуулахын гарын авлага дээр дэлгэрэнгүй бичсэн байгаа.  

     - Нэхэмжилсэн тоо: Агуулахын баримтыг дуусгахад дууссан тоо ширхэгийн дагуу нэхэмжлэл үүснэ.Тухайн үүссэн нэхэмжлэл дээрхи тоо ширхэг уг талбарт харагдана.

     - Х.нэгж: Сонгосон барааны хэмжих нэгж автоматаар бөглөгдөнө. Хэрэглэгч сольж болохгүй.

     - Нэгж өртөг: Нийлүүлэгчийн санал болгосон үнэ буюу манай орлого авч буй үнийг шивнэ. Энэ нь системд тухайн барааны өртөг үнэ болж бүртгэгдэнэ.

     - Татварууд: Х.НӨАТ-тэй худалдан авалт бол сонгож өгнө.

     - Захиалагдсан тоо: Худалдан авалтын захиалгыг хуваах үйлдэл хийсэн бол салж үүссэн худалдан авалтын захиалгын тооны нийлбэр байна.

     - Дүн: Тоо ширхэг, нэгж өртгийн нийлбэр дүн.

     - Татваргүй дүн: Захиалгын мөрд шивэгдсэн бүх барааны нийлбэр дүн.

     - Татварууд: Захиалгын мөрүүд дээр татвар сонгосон бол нийт татварыг харуулна.

     - ДҮН: Татваргүй дүн, Татварууд хоёрын нийлбэр дүнг харуулна.

Нэмэлт зардал гэдэг нь тухайн худалдан авалтын мөрүүдэд /барааны өртөг үнэ/ шингэх боломжгүй тээврийн зардал, импортын нөат, гаалийн татвар гэх мэт зардлуудыг хэлдэг. Эдгээр зардлыг барааны тоо ширхэг, үнийн дүн, эзэлхүүн зэрэгт суурилан хэрхэн хувиарлах аргыг хүргэж байна. 

Худалдан авалт дотор Бараанууд, Хүргэлтүүд болон Нэхэмжлэлүүд, Нэмэлт зардал гэсэн табуудын Нэмэлт зардал гэсэн таб дотор байрлана.

Нэмэлт зардалруу орсоны дараа зүйл нэмэх товчийг дарснаар доорхи дэлгэц нээгдэнэ.

- Зардлын зүйл: Ямар төрлийн зардал шивж байгаагаас шалтгаалаад уг талбарыг бөглөнө. Нэг худалдан авалтын захиалга дээр хэдэн ч зардлын зүйл нэмэж болно.                                  Уг зардлуудыг системд эхэлж бүртгэж өгөх ёстой ба доорхи зардлаас өөр зардал ашиглана гэж үзвэл нэмэж болно.

         - Тээврийн үнэ: Тухайн худалдан авалттай холбоотой тээврийн зардал.

         - Импортын НӨАТ: Тухайн худалдан авалттай холбоотой импортын нөат.

         - Гаалийн татвар: Тухайн худалдан авалттай холбоотой гаалийн татвар.

         - Бусад зардал: Тухайн худалдан авалттай холбоотой эдгээрээс бусад зардлыг хэлнэ.

         - Шатахуун: Тухайн худалдан авалттай холбоотой шатахууны зардал.

- Дүн: Зардлын үнийн дүнг бичнэ.

- Данс: Харьцах дансыг сонгож өгнө.

- Шинжилгээнээ данс: Аналитик бүртгэл ашиглах үед хэрэглэнэ.

- Хувиарлах арга: Захиалгын мөрд шивэгдсэн бараануудад зардлыг хэрхэн хувиарлах шийднэ. Зардлын зүйл дээр сонгосон хувиарлах арга автоматаар сонгогдоно.                                      Хэрэглэгч тухайн аргыг сольж болно.

        - Тэнцүү:  Захиалгын мөр бүрт шивсэн үнийн дүнг тэнцүү хувиарлана. Барааны нэгж өртөгт нөлөөлнө.

        - Тоо хэмжээгээр: Захиалгын мөр бүрийн тоо ширхэгт нь суурилан хувиарлана. Барааны нэгж өртөгт нөлөөлнө.

        - Мөрийн үнийн дүнд:  Захиалгын мөрүүд дэхи барааны нийт үнийн дүнд суурилан хувиарлана. Барааны нэгж өртөгт нөлөөлнө.

        - Жингээр:  Захиалгын мөрүүд дэхи бараа бүрийн мэдээлэл дээр бүртгэгдсэн жинд нь суурилаж хувиарлана. Барааны нэгж өртөгт нөлөөлнө.

        - Эзлэхүүнээр: Захиалгын мөрүүд дэхи бараа бүрийн мэдээлэл дээр бүртгэгдсэн эзлэхүүнд нь суурилаж хувиарлана. Барааны нэгж өртөгт нөлөөлнө.

        - Хувиарлахгүй:  Уг сонголтыг сонгосноор барааны өртөг үнэд нөлөөлөхгүй нэмэлт зардал бүртгэгдэнэ. Өөрөөр хэлбэл барааны нэгж өртөгт нөлөөлөхгүй.

- Холбогдох харилцагч: Тухайн нэмэлт зардалыг авч буй харилцагчийн сонгож өгнө.

- Холбогдох харилцагчийн данс: Тухайн харилцагчийн дансыг сонгоно. Харилцагчийн мэдээлэл дээр данс нь байвал автоматаар бөглөгдөнө.

- Нэр: Тайлан болон бусад зүйлс дээр ашиглагдах нэрийг гараар бичнэ.

- Тэмдэглэл: Нэмэлт мэдээлэл бичих бол уг талбарт дэлгэрэнгүй мэдээлэл бичнэ.

         - Нэхэмжлэх огноо: Нэхэмжлэл үүсэх огноог оруулж өгч болно.

         - Нэхэмжлэл: Холбоотой нэхэмжлэлийн дугаар. Систем автоматаар бөглөнө.

- Өртөг хувиарлалтын мөр: Тухайн зардал хувиарлагдсан мөрүүдийн мэдээллийг агуулна.

- Зардал хуваарилах бараанууд: Худалдан авалтын захиалгад байгаа нийт бараанд уг зардлыг хувиарлахгүй хэд хэдэн барааг сонгон хувиарлахдаа уг талбарт тухайн                                                         бараануудаа сонгож өгнө.

Нэмэлт зардлуудыг оруулж дууссаны дараа Зардлуудаа хувиарлаад, өртгөө харна.

Зардал хувиарлах: Уг товч нь бүртгэгдсэн нэмэлт зардлуудын бичилтийг хийнэ. Өөрөөр хэлбэл уг товчийг дараагүй үед нэмэлт зардалд бүртгэгдсэн зардлууд                                                  хувиарлагдаагүй байна гэсэн үг. 

Өртөг хэвлэх: Зардал хувиарлах товчийг дарж өртгийг шинчилсэний дараа уг товчийг дарж өртгөө хэвлэж авна. Ямар нэг асуудалтай бол нэмэлт зардал дотор                         бичигдсэн зардлуудаа засаад дахин зардал хувиарлах товчийг дарж өртгийг зөв болгоно.

Тухайн худалдан авалт ямар нэг асуудалгүй бол захиалга батлах товчийг дарж агуулахын баримтыг үүсгэж, агуулахад орлого авах үйл ажиллагааг эхлэнэ. Захиалгыг баталсаны дараа уг худалдан авалт худалдан авах захиалга төлөвт шилжсэн байна.

Товч:

        Өртөг батлах: Тусгай эрх бүний хүнд энэ товч харагдана. Уг товчийг дарснаас худалдан авалтын өртөг батлагдаж нэмэлт зардлуудыг засварлах боломжгүй болно.

        Бараа хүлээж авах: Тухайн худалдан авалтаас үүссэн агуулахын баримтуудлуу дамжин орно.

        Цуцлах: Тухайн худалдан авалтыг буруу буюу орлого авахгүй гэж үзвэл цуцлаж болно. 

        Түгжих: Холбоотой агуулахын баримт, нэхэмжлэл бүгд дууссаны дараа уг товч ажиллаж захиалгыг дууссан төлөвт шилжүүлнэ.

Уг худалдан авалттай холбоотой агуулахын баримт, нэхэмжлэлрүү дэлгэцний баруун дээд буланд байгаа товчнууд дээр даран шууд дамжин орох боломжтой. Агуулахын баримтыг хэрхэн орлого авах, нэхэмжлэлийг хэрхэн удирдах талаар агуулахын гарын авлага, санхүүгийн гарын авлагаас уншина уу.

Нэг худалдан авалтын захиалга үүсгээд тухайн худалдан авалтын захиалгаа хэд хэд хувааж орлогод авч болно. Уг үйлдлийг худалдан авалт дээр байгаа захиалга хуваах товчийг ашиглаж хийнэ.

 

Захиалгын мөрүүдэд байгаа тоо хэмжээг засах буюу орлого авах гэж буй тоо ширхэгээ оруулж өгнө. Үүний дараа хуваах товчийг дарснаар худалдан авалтын захиалга шинээр үүснэ. Үүссэн худалдан авалтын захиалгыг дээр бичсэн худалдан авалтын захиалга гэсэн гарын авлагын дагуу гүйцэтгэнэ.